15 сакавіка наша краіна адзначае Дзень Канстытуцыі Рэспублікі Беларусь. Канстытуцыя – асноватворны дакумент краіны, у якім адлюстраваны ўсе нашы правы і абавязкі. Дзякуючы Асноўнаму Закону краіны кожны чалавек можа адчуваць сябе абароненым, ведаючы, што яго правы і свабода не будуць ушчэмленыя. Сёння мы жывем у краіне, дзе пануюць мір і спакой, дзе вялікая ўвага надаецца моладзі і падрастаючаму пакаленню, дзе на першым месцы стаіць клопат пра чалавека, імкненне будаваць моцную, незалежную і квітнеючую Беларусь.
У гэты дзень ў нашай бібліятэцы адбыліся мерапрыемствы, прысвечаныя Дню Канстытуцыі Рэспублікі Беларусь, у якіх прынялі ўдзел вучні 3 “Б”, 3 “В” і 7 “Б” класаў.
Вучням пачатковых класаў бібліятэкар Бычык І.П. расказала, што такое Канстытуцыя, калі яна была прынятая, колькі разоў змянялася і што яна абвяшчае.
Пасля азнаямлення з тэарэтычнай часткай з вучнямі была праведзена гульня – віктарына “Беларусь – мая Радзіма”. Удзел у якой прынялі каманда “Радзіма” і каманда “Беларусы”. Вучні змагаліся ў ведах па дадзенай тэме. Яны змаглі праявіць свае здольнасці і ўменне хутка адказваць на зададзеныя пытанні.
Для вучняў сярэдніх і старэйшых класаў у школьнай бібліятэцы была аформлена кніжная выстава “15 сакавіка – Дзень Канстытуцыі Рэспублікі Беларусь”, а так сама праведзены інфармацыйны час “Свет права. Канстытуцыя Рэспублікі Беларусь”, падчас якога навучэнцы 7 “Б” класа даведаліся пра гісторыю прыняцця Канстытуцыі, з якіх раздзелаў і глаў складаецца Канстытуцыя, а таксама адказалі на пытанні віктарыны.
Важным вынікам такіх мерапрыемстваў з’яўляецца разуменне таго, наколькі важная Канстытуцыя для дзяржавы і як важна не толькі ведаць, але і выконваць законы, каб расці сапраўднымі грамадзянамі сваёй Радзімы.