Узорны музычны тэатр
Музычны тэатр быў створаны ў 1996 годзе на базе Дзяржаўнай установы адукацыі “Сярэдняя школа № 4 г. Іванава” педагогам Перапёлкіным Валянцінам Васільевічам.
У пачатку сваёй дзейнасці калектыў быў невялікі, і першыя крокі дзяцей на сцэне былі нясмелымі і няўпэўненымі. Але Валянцін Васільевіч – здольны арганізатар, творчы чалавек, актыўны прапагандыст тэатральнага мастацтва. Ён дапамог удзельнікам тэатра разняволіцца, адчуць радасць зносін, тым самым абудзіў у дзяцей цікавасць да творчай дзейнасці.
З таго часу галоўным напрамкам работы музычнага тэатра з’яўляеццаразвіццё ў вучняў камунікатыўных здольнасцей, актывізацыя творчага мыслення, фарміраванне пачуцця калектывізму, выхаванне эстэтычнай культуры.
У лютым 1998 года калектыву было прысвоена званне "Узорны музычны тэатр".
Калектыў музычнага тэатра з'яўляецца пастаянным удзельнікам многіх гарадскіх мерапрыемстваў. Штогод прымае ўдзел у дабрачыннай акцыі “Нашы дзеці”. Традыцыйнымі з'яўляюцца выступленні гэтага творчага калектыву перад выхаванцамі дзіцячых садоў, перад вучнямі школы і сацыяльных устаноў. На тэатралізаванае прадстаўленне да Дня Перамогі "Памяці герояў" былі запрошаныя ветэраны вайны і працы.
Арыгінальныя рэжысёрскія знаходкі, гульня акцёраў, музыка, святло, дэкарацыі дапамагаюць ствараць запамінальныя спектаклі.
У 2014 годзе дзіцяча-юнацкі абласны фестываль «Тэатральны прыстанак» прыносіць калектыву перамогу за спектакль «Мымрёнок», яму ўручаецца дыплом лаўрэата 1-ай ступені, а таксама атрымліваюць дыплом «За лепшае шоу-прадстаўленне».
У 2015 годзе музычны тэатральны калектыў прыняў удзел у абласным этапе 3-га рэспубліканскага агляду-конкурсу дзіцячай творчасці «Прывітанне, свет!» з вершам «Варварства» (Муса Джаліль). Удзельніца тэатральнага калектыву Гарбачук Марыяўзнагароджана дыпломам 1-ай ступені ў намінацыі «Тэатральная творчасць» (мастацкае слова) і граматай брэсцкага адзялення АА “Беларускі саюз тэатральных дзеячаў” за высокі ўзровень выканаўчага майстэрства.
2017 год прыносіць яшчэ адну перамогу ў скарбонку ўзнагарод. Удзельніца калектыву Рэуцкая Нікаўзнагароджваецца граматайфіналістаабласнога этапа 4-га рэспубліканскага агляду-конкурсу дзіцячай творчасці «Прывітанне, свет!» у намінацыі «Тэатральная творчасць» (мастацкае слова). У гэтым жа годзе Ніка прыняла ўдзел уXIII міжнародным праекце “Караван культур”, які праходзіў у г.Волін (Польша), і была адзначана дыпломам 1-ай ступені ў намінацыі «Мастацкае слова».
Калектыў знаходзіцца ў добрай творчай форме, пастаянна развіваецца, рэпертуар папаўняецца, пастаўленыя мэты і задачы выконваюцца.
«Дюймовочка» дзіцячая опера па казцы Г.Х. Андэрсэна 2017 год
«Волшебное путешествие» навагодні мюзікл
па аднайменнай казцы А.Асканава
2015 год